قصةالسندريلا بالفلسطيني

السلام عليكم ورحمة الله وبركاته
إجتني هاي القصة عالايميل حبيت اروح عنكم قليلا يلا نبدأ

قصةالسندريلا بالفلسطيني

لبست الفسطان وراحت جري عالكصر وشافها الأمير وحبها وركصو سوا وفجأة دكت الساعة طنعش وجراي صارت ترمح و ترمح ووكعت ببوجها

عالدرج ...
>
>
>
> سندريلا راحت عالبيت واتمنت لو انو الساعة ما دكتش على الطنعش، بس شو تسوي بحظها المشحر مثل حظ هاظا الشعب.
>
>
>
> الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يكيسن البابوح، كل البنات كاسن إلا سندريلا .....
>
>
>
> سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ضربها الأمير كف، وحكالها: وين جاي ياما،
>
>
>
> حكتلو: يقطع وجهك ما أزنخك، مش شايفني بدي أكيس البابوج
>
>
>
> حكالها: وحدة مثلك كيف بدها تكون فلكة الكمر هديك،
>
>
>
> حكتلو: هسا بفرجيك وأحط على عينك
>
>
>
> ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.
>
>
>
> وفي قول اخر ان البنت انكتلت يا حرام في غارة اسرائيلية

جميل جدا اختي د. هدى و انتقاء موفق

شكرا لك

[size=18]جميل اسلوب رائع كأنك فلسطينية يا د هدى كلام مزبط صح
بارك الله فيك

[/size]

أهلا وسهلا بك حبيبتي
سعدت بمرورك
الله يسعد ايامك
دمت في حفظ الرحمان
استودعك الله الذي لاتضيع ودائعه

أهلا وسهلا
سعدت بمرورك سيدي الكريم
أنا فلسطينية بس عايشة بتونس منذ زمن بعيد
هاي القصة اجتني ايميل وحبيت تستمتعو فيها
دمت بود وبحفظ الرحمان
استودعك الله الذي لاتضيع ودائعه

يعطيك العافية د. هدى

قصة جميلة

وانتقاء جميل

لك تحياتي

ههههههههههههه والله ضحكتيني من كل قلبي دكتورة هدى
يسلمو ايديكي كتيييييييييييير على هالحكاية الحلوة